بقلم إبراهيم عيسى
أنا اللي الدنيا تعباني
ووجعها مآثر فيا
ومآشي فيها بعاني
ومش عارف ايه اللي ليا
اقرب الناس نسيوني
وشالو عنيهم من عليا
بقيت يا دنيا موجوع
ومحدش حاسس بيا
عمال اجري يمين وشمال
وتايه والناس حواليا
كان الكلام بينا ملوش حدود
وبتفرح لما بتسمع صوتي
دلوقتى خلاص مش موجود
ومش فارق كلامي من سكوتي
أنا الي الدنيا تعباني
وكل حاجه فيا وجعاني
كان فيه قلوب حنينه عليا
ومع كل ذلة بتبقي سنداني
ولا عمرها في يوم سابتني
ولا كانت في يوم بيعاني
انا مبقتش عارف نفسي
ولازم انسي الي ينساني
اللي عمره ما كنت في باله
ولا كان قلبه يعرف عنواني
أنا اللي الدنيا تعباني
ومآشي فيها لواحدي
ولا لقيت فيها حد حنين
ولا حد فيها طالب ودي
في لحظه الحب ضاع
واختفي من حياتي
وكل اللي اشتريته باع
وفرح في حزني واهاتي
فكر في يوم اني هنكسر
وهستسلم له بنظراتي
وهاطلب منه العفو
ويرجع يقولي سلام وتحياتي
أنا اسد في شموخي وكبريائي
ولو فكر أن هكون في ايده
وأنه هيخفف ألمي ودائي
هاقوله عمرك ما في يوم
هترجع انك تكون تاني دوائي
إرسال تعليق